NGIDUPANG BAYU 2

NGIDUPANG BAYU

(TUTUR  JALIKAN)

Ring sejeroning idup  minab  ade anak  taen ngerasaang bayune mati tur pragat oon-oonan padahal  sube  ngajeng.  Yen merase buke keto  hidupe  ade  tutur  dadi anggon petunjuk ngidupang  bayu. Tutur anggon ngidupang bayu  petunjukne  ade  dijalikanne atau  dipaon ne biase  anggon  ngidupang  api rikale   anake  lakar melebengan. Petunjuk  ngidupang  bayu punike  tuah  merupe tutur  singkat. Keadanin  tutur singkat  sawirih merupe  singkatan kata-kata..

Kata  jalikan, paon,  nukang kayu,   semprong,  ngidu lan api mekejang to merupe  tutur  singkatan kata.. Sawirih  singkatan  kata, tuture  lakar ketawangin  yen kata  punike dipanjangkan.. Tutur  singkat punike sekadi kepanjangan kata-kata dibeten:

1.                   API kepanjangane “Atme pusat idupe”

2.                   Ngidu kepanjangane “ngidupang  bayu, ngidupang api  Atmane”

3.                   JALIKAN kepanjangane “japemantre  delikang  ragane”

4.                   Kayune  tulukang  kepanjangane “kayune tulusang”

5.                   Semprong kepanjangane “semprot, ngendih, ngedenang”..

6.                   Paon kepanjangane “paling oon-oonan”.

7.                   Boo kepanjangane “bongol, oon-oonan”..

PENJELASANE

Endihan  api dijalikane  to simbol  atme  pinake  api jnane  sane  ade  ditengahing   hatin manusane.. Kesujatiane  Atme  dihatine   to Api  sane  ten katon kenyingak  aji peninggalan.  Diastun ten kecinyak Atmane  tuah  dimengerti lewat gambarane sekadi api.

Manut kepanjangan kata Api, Atmane  ade dihatine  to pusat idup  manusane  ne ngeranaang bayune  idup. Yen endihan Atmane  care api  ngendih murub  sinah  bayune  gede.  Kerane ento  yen bayune  pang  kembali hidup  atme pinake pusat hidup  ingetang..

Sekadi Api  dijalikan  ada  digowok jalikane, Atmane  pinake api  kehidupan  to mekejang ade dihatin manusane. Hatin manusane  pinake  jalikan hidup.  Song jalikan  to melambangkan  hatin manuse  sane terbuka teken tutur. Hatin manuse  sane terbuka   to ne eling ngidupang bayune  mewali sekadi anake  bilang semengan  ngidu dijalikane.

Awak dingin luas  ngidu   dijalikane  to lambang awak dingin  tanpe  bayu.  Sawirih  dingin tanpe  bayu  manuse  harus  sadar   ngidupang  Atmane  pinake api apang ngendih ngedenang.  Rikale api  Atmane  ngendih ngedenang sinah  bayune   idup...

Manut kepanjangan kata  jalikan   cara  utama  ngidupang  api Atmane  apang  idup  bayune   tuah mejapemantre. Saat mejape mantre  delikang atau  oyongang ragane  negak mesile. Mejape mantre  artine  ngucapang mantre  berulang-ulang  sampai seliun-liunne.  Ping satus, ping limang atus, ping siu lan selebihne.

Jape mantre   to  megune  anggon ngabe kayune  lan pikirane  pang masuk ketuju sang hyang Atme  neade  dihatine.  Apang kayune  preside  masuk  kejeroning  Atme dihatine kayune  tulusang,  do pamerih atau do berharap pang kene pang keto.  Yen sube  tulus  kayune  sane  tulus  dadi bahan  bakarne.. Disaat  kayune  ketunjel  atmane  hidup ngendih murub. Saatngendih murub  bayune  ngedenang..

Apang    atmane  enggal ngendih   sambil menjape mantre   semprotin  aji pranayama atau pernapasan  halus. Saat melakukan pernapasan  ingetang  nahan  napas semampune care anak sing bernapas  saat nyilem di iyehe. Nahan  napas  to megune anggon  nahan kayune pang mecelep ke Atmane.. Mejape  sambil   melakukan pranayame  sekadi  anak ngendihang api dijalikan  mesemprot aji  angin buatan  nganggo semprong.. Lewat mejape  sane  tulus  lan meemput aji  pernapasan  sinah  atmae  murub  sane ngeranaang   bangun bayune.

Yen  ido dane  bayune  pragat oon paling palingan  buka  hatine,  elingang  melajah mejape mantre  , kayune tulusang lan  semprot  aji pernapasan.  Bayune  sampun  oon-oonan  ten  kayun  nelebang tutur  sinah  endihan  Atmane  nyenik-nyenikang.  Yen sampun  cenik  mekire mati  sinah hidupne  lakar paling, bingung oon-oonan. Endihan  Atmane  mati  tuah merupe  boo  to ngeranaang kepetengan  tanpe sinar  atme. Hidup tanpe sinarsang Hyang Atme  dadine  hidupepaling oon-oonan.

Atmane  care  boo  to ngeranaang  hidupe mulai bongol-bongolan olog-ologpong..  Dadi anggon gene  hidupe yen sube kene..  Sinah  hidup boyo mati boyo.. kerane ento  dadi manuse  buka  hati.  Tuntunan  sube  jelas,  tunjel kayune  pang  galang kenehe  pang   seger bayune lan meapian   hidupe.

HAL JAPEMANTRE..

Liu anake  sing nawang  pengertian  jape mantre  ne jelas..  jape mantre  to boye  ngapalang mantre  sane merupe macem-macem mantre  rikale  keanggon ngemantrain    upekare.   Japemantre to  mantre   ne keucap berulang-ulang  anggon  mokusang pikiran  rikale  meditasi utawi  meyoge.. Mantre  ne kejapaang(keulang-ulang) tuah  abesik  doenan- Sing perlu liu lan ganti-ganti mantre.  Soal mejape  sing perlu kuat kuat ngapalang mantre. 

Jadi diastun  sing kuat ngapal mantre  yen  tuah ngucapang mantre abesik pasti praside..  Memantre tuah  abesik keulang-ulang  ping keti  yen  ketuju sang Hyang Atme  to megune ngalangin keneh,  ngendihang Atme  pang ilang  bingung dipikirane lan pang sing kepetengan..

Beda  teken memantre  dadi pemangku upekare  harus  liu mantrane kehapalang. Mantre ngantebang pejati , mantre  ngantebang  sayut, lan mantre  len-len.  Yen sing kuat lan sing keencelin  dari pemangku upekare  nak bise ngemasin stres. makane   yen  sing kuat ngapal  yen sing kepilih  dadi mangku uli suwung  adanan  dadi anak biase.

Yen mekite memantre adanan tuah mejape mantre manut  tutur  jalikane.  Mejape mantre  anggon  ngendihang api Atmane apang idup bayune, pang galang kenehe.. Biar sing dadi ape-ape, biar sing ade  ne nganggo yang penting  bayu seger lan galang kenehe  sinah hidupe  diastun  lacur  tusing paling lan kepetengan.

JALIKAN METUTUP..

Jalikane  apang endihane apine deg-deg  melahne  tongosne metutup. Keto masi    mejapemantre  melah  ditongos metutup care  dikamar, ditongose sepi, dialase,  digununge. Ditongose  sepi  endihan Atmane deg-deg. Dirame-ramene mejape  endihan Atmane  care api ampehang angin. Kerane  ento  apang dedeg endihan Atmane  melahne mejape dihati atau ditongos  metutup. Sekadi anake  ngidupang api jalikan  sebilang semenglan sanje, sebaikne  apang idupe  meapian  tur mebayuan  melahne mejape  sebilang semeng lan sanje..  Yen dialase  lan digununge  kaliape gen luwung mejape mantre.  

 Saat mejape  melahne   negak metatakan pang bayune  sig sedote kentanahe.  Sebilang mejape  yen   nyidang  mejape paling bedik 300x  makin  liu makin melah.Mejape  didalam hati  atau ditongos metutup sinah sing ade  anak nawang..  Mejape menutup diri  sinah  sing ade ne mempermaslahkan, hidupe aman-aman.. Yen  dilingkungan  nesing   ade tradisi mejape mantre secara  formal  sinah lakar  liu ne protes, Orahange   kene-ketolah. Demi aman  tur bayune pang  seger   mejape  dijeroning hati atau dikamar.

MANTRE ANGGON MEJAPE..

Mantre-mantre  ne anggon mejape  sujatine liu.  Contoh mantre   ne biase   anggon mejape  sekadi  dibeten:

1.         OM Namah siwaya,

2.         OM namo narayanaya,

3.         Om  sriganesa ya namaha, dll..

Selain mantre  di duur liu masih mantre  ne elenan.  Gayatri mantra,  mantra hari krsna  dadi masih anggon mejape.   Diantra mantre  ne ade punike  yen  lakar mejape pilihin besik  doen.  Memilik mantre anggon mejape  to care milihin  tunangan  tuah abesik anggonkurenan  sing dicerai-ceraikan.  Tekun mejape mantre  nganngon mantre  sing meganti ganti  sinah  bakal tembus, ngedenang bayune.

Mantre Om  Atme tattwatme  sudamam swaha  ne keanggon saat sembahpuyung  ento melah pesan anggon mejape.  Mantrane ento langsung fokus ketuju kesanghyang  Atme  tusing  buin  nganggo saguna mantra  nama dewa-dewi. Yen  demen  fokus  kesang Hyang Atme    silahkan  anggon mantre  sembahpuyunye..  Yen sube puyung, hening kenehe   sinah langsung tembus kesanghyang  Atme..

 Rikala mengawali mejape  elinggang sembahyang/pance  sembah, suuud mejape ingetang  mohon permakluman..  ucapang mantra  bait keenam  atau mantra  asatoma  sadgamaya   dan akhiri  mantra  Om santi, santi. Serta  yen  bayune  bo  bangun elingang  sekali-kali kerja  sosial apang SangHyangAtme  seneng.

***AMPURE tutur  niki kesurat ngange  bahasa  pasaran tetujone   mangde mudah  dimengerti olih semeton  sareng  sami